ابحث عن فنادق في Emporio

كان كل شيء نظيف وجميل المكان كتير حلو صاحبة الشقة كتير محترمة من اول ما وصلنا ستقبلتنا من عل باب اسمها كاليوبي استقبلتنا اول ماوصلنا ولقينا تاركيتلنا مي بل بيت لأنو مية الحنفية مابتنشرب وكانت حاطة فطور بل براد ببلاش مع انو مو طالبين كان هذا الشي كتير لطيف منها وكانت كل يوم تجيبلنا أكلات طيبة بدون مصاري وفطور كمان،اول يوم وصلت فيو صابني حساسية بسبب أكل لقريدس وكنت رح اختنق حكيت معها ل كاليوبي طلبتلي تكسي عل مشفى وضلت جنبي للساعة وحدة بليل لحتى خرجوني وتطمنت علي ورجعت وصلتني عل بيت وما اخدت شي مني قلتلي بس أنا عندي شب بعمرك وعم اهتم فيك كانو عم اهتم ب ابني ،هي المرة كتيير رائعة وأنا كتير بتشكرها لأنو حسستني انو أنا قاعد ببيتي تاني يوم من الإقامة عرضة علي تاخدني عل أي مكان قريب من المدينة بسيارتها الخاصة بدون أي مقابل وبلفعل أخذتني عل شط بيريسيا بعيد خمس دقايق بل سيارة وكانت كل يوم تجي تتطمن علي نسيت شي كمان لما رحت عل مشفى اخدت وصفة الدوا الي كتبلي ياها الدكتور وتاني يوم الصبح بتفاجئ أنا مشتريتلي الدوى وجايبتلي فطاير معها للفطور هي عاملتهن صاحبة الشقة كتير منيحة كتير حبابة أنا بنصح بل إقامة عندها كتير مريحة وكتير بتحب تساعد وتخدم المقيمين يلي عندها بالإضافة لمكان الإقامة كتير مناسب قريب ع كل مناطق الجزيرة بعيد بس 3 دقيق مشي ع محطة الباص ب مدينة امبويو يلي موجود فيها الشقة محطة الباص هي بتاخدك على شط بيريسيا أو عل عاصمة فيرا ومن هنيك فيك تروح بل باصات ع كل مناطق الجزيرة اليوم بتفاجئ كمان بلاقي صاحبة الشقة كاليوبي باعتدالي واتس أب بانو أنا ساعتي نسيانها بل شقة ورح تبعتلي ياها بل بريد عل بيت أنا الصراحة كتييير بنصح الإقامة عندها لأنها انسانة كتير طيبة وخدومة كتير وبتحب مساعدة المقيمين وأمينة بالنسبة للبيت أنا اخدت مع مسبح كان غرفة نوم وصالون مع مطبخ وحمام والمسبح المسبح خارجي وألو خصوصية مافي حدا بيزعجك أو بيطل ع حدا

نظافة افضل من فنادق 5 نجوم متوفر الكثير من المواد الغذائية والأدوية المهمة وأشياء كثيرة قريبة جدًا من الشاطئ لايمكن وصف ما وجدنا في الشقة ❤️